चौतारा, माघ २६ ।
तामाङ समुदायको राष्ट्रीय साँस्कृतिक पर्व २८५७ औं(लाङ ल्हो) र्गाइ बर्ष सोनाम ल्होछार सोमबार एक बिशेष कार्यक्रम का बिच उद्घाटन भएको छ ।
श्री छिमिटासी छिलिङ्ग गुम्बा चौतारा साँगाचोकगढि नगरपालिका(११, नेपाल तामाङ घेदुङ चौतारा साँगाचोकगढि नगर कमिटी सिन्धुपाल्चोक, राष्ट्रिय आदिवासी महिला महासंघ सिन्धुपाल्चोक को संयुक्त आयोजनामा “ह्याङ्ला भाषा ह्याङ्ला ग्योई, ज्याबा डान्बा छेह्रेङ्गै” भन्ने नाराका साथ समुद्घाटन भएको छ ।
नगर प्रमुख श्री अमान सिङ तामाङ को प्रमुख आतिथ्यता र श्रदेय खेन रिन्पोछे फुर्वा दोर्जे पाख्रीनको बिशेष उपस्थितिमा उद्घाटन भएको यस कार्यक्रम ३० गते बिशेष साँस्कृतिक कार्यक्रम गरि समापन गरिने आयोजकले बताएको छ ।
साँस्कृतिक कार्यक्रममा ख्याती प्राप्त कलाकारहरु जितु लोप्चन, अनिश योन्जन, प्रकाश तितुङ, आश्मान लोप्चन, प्रीतम तामाङ र रोश्न लुङ्बाको बेजोड प्रस्तुति रहने भएको छ ।
