दिपक खत्री ,चौतारा,फागुन २१ ।
पहिरोका कारण बासखर्कमा बस्दै आएका लिदिका विस्थापितहरु शक्रबार अपरान्ह आएको हावाहुरीले त्रिपाल र टेण्ट उडाएपछि अहिले थप समस्यामा परेका छन् ।
पहिरोले घर खेत बगाएपछि जुगल २ लिदिबाट १ नम्बर वडा बासखर्कमा आई बसेका उनिहरु हावा हुरीले बस्दै आएको त्रिपाल र टेण्ट उडाए सँगै सुत्ने खानेकै समस्यामा परेका हुन् । स्थानिय निमा छिरीङ दोङका अनुसार चौरमा बालबालिका पढाउन ब्यवस्था गरेको टेण्ड उडाएर जंगलमा पुराएको छ ।
ठुलो हावाहुरी चलेपछि आफु बस्दै आएको टेण्ट समाएर बस्नु परेको छ । सुरुमा बाक्लै मात्रामा पुग्ने जनप्रतिनिधि र संघसस्थाहरु अहिले बासखर्कमा रहेका विस्थापित सामु पुग्न छाडेका छन् । खाने देखि बस्ने समस्या देखिन थालेपछि ज्यान जोखिममा पारेर पुरानो थलोमा फर्कने तयारीमा पनि विस्थापित छन् ।
बर्सात, चिसोको सामना गरीसकेका उनिहरु सरकारले आवासको वेवस्था गर्ला भनेर कुर्दा ७ महिना वितिसक्दा पनि प्रगति नदेखेपछि निरासा छन् । पहिरो पिडितहरुको दिर्घकालिन बसोबासको लागि सरकारले ब्यवस्था गर्न नसकेको भन्दै उनिहरुले आक्रोश ब्यक्ति गरेका छन । बस्ने ठाउँको अर्को विकल्प नभएपछि अधिकाँश विस्थापितहरु च्यातिएको टेण्टको सहारामा छन् । अहिले लिदिबाट विस्थापित १ सय ७२ परीवार बासखर्कमा बसिरहेका छन् ।बालबच्चा, सुत्केरी र जेष्ठ नागरीकलाई निकै सकस छ ।
सिन्धुपाल्चोक बाढी र पहिरोको सबैभन्दा बढि जोखिम रहेको जिल्लामा पर्दछ । यहिबर्ष मात्रै सिन्धुपाल्चोकमा पहिरोकाकारण ७२ जनाको मृत्यु भयो भने ३३ जनाको अझै पत्तो लागेको छैन । बर्षेनीहुने मानवीय क्षति देखेर पनि स्थानीय सरकार विपदपुर्वको तयारी गर्ने तथा जोखिममा रहेको बस्ती स्थानान्तरण गर्ने काममाभने सक्रिय भएको छैन ।
स्थानीय तहको नेतृत्वमा लाभग्राही पहिचान गर्ने र सुरक्षित स्थानमा स्थानान्तरण गर्ने गरी कार्यविधि तयार पारिएको छ । कार्यविधि अनुसार विपद् व्यवस्थापनको काम सम्बन्धित स्थानीय तहले नै गर्नेछन् भने प्राधिकरणले आवश्यक समन्वय गर्ने भनिएको छ ।