चौताराा ।
झमलादेवी आधारभुत विद्यालयका विद्यार्थीहरुको लागी लायन्स क्लब चौतारा सिटीले शैक्षिक सामाग्री सहयोग गरेको छ ।
चौतारा साँगाचोकगढी नगरपालिका वडा नं. १४ भिमटारमा अवस्थित झमलादेवी आधारभुत विद्यालयमा अध्ययनरत विद्यार्थीहरुका लागि लायन्स क्लब अफ काठमाण्डौ चौतारा सिटीले शैक्षिक सामाग्री वितरण गरेको हो ।
क्लबले विद्यालयमा अध्ययनरत ३२ जना बालबालिकाको लागि बिद्यालय झोला, कपि, डटपेन लगायतका सामाग्री वितरण गरेको क्लवका नवनिर्वाचित अध्यक्ष रमेश दुलाले जानकारी दिए ।
आर्थिक अवस्थाले विपन्न रहेको समुदायका बालबालिकाको बाहुल्यता रहेको उक्त विद्यालयमा अध्ययनरत वालवालिकाको लागि क्लवले गरेको सहयोग अमुल्य रहेको उक्त विद्यालयका प्रध्यानाध्यापक लालबहादुर श्रेष्ठले बताए ।
पछिल्लो ३ वर्ष यता विभिन्न सामाजिक कार्य गर्दै आइरहेको उक्त क्लबले आवश्यकताको आधारमा क्लबका सदस्यहरुबाट नै पैसा उठाएर नै सहयोग गर्दै आइरहेको छ ।