नयाँ अभियान
चौतारा, असोज १० ।
लायन्स क्लब अफ काठमाडौँ चौतारा सिटिले चौतारा साँगाचोकगढी नगरपालिका वडा नं. ५ मा रहेको श्री बालकल्याण आधारभुुत विद्यालयमा अध्ययनरत सम्पूर्ण विद्यार्थीहरुलाई विद्यालय पोसाक सहयोग गरेको छ ।
आज विद्यालयका ३९ जना बालबालिकाहरुलाई निःशुल्क रूपमा स्कुल ड्रेसको सर्ट पाइन्ट र जुत्ता मोजा वितरण गरिएको क्लबकी सचिव मिना थापाले जानकारी दिइन् ।
लायन्स क्लबका डिस्ट्रिक्ट गभर्नरको थिम अनुसार एक विद्यालय एक लायन्स क्लब कार्यक्रम अन्तर्गत सो कार्यक्रमको लागि चौतारा सिटिका क्लब डाइरेक्टर लायन नवीन प्रधानले आर्थिक सहयोग गरेका थिए ।
छोरीहरू सेरिना प्रधान र मेलिजा प्रधानको सहयोग गर्ने चाहाना अनुरूप सो सहयोग गरिएको लायन प्रधानले जानकारी दिए । सो कार्यक्रमको लागि लायन्स क्लब अफ काठमाडौँ न्यूस्मार्ट सिटी, लायन्स क्लब अफ काठमाडौँ न्यु ग्रिन सिटी र लायन्स क्लब अफ काठमाडौँ कोटेश्वर सिटिले समेत समन्वय गरेको थियो ।
सोही कार्यक्रममा लायन्स क्लब अफ काठमाडौँ न्यूस्मार्ट सिटीकी प्रेसिडेन्ट संगिता शर्माले आमाबुबा दुबैको शाहारा नभएका नर्सरीमा अध्ययनर आशिष तामाङलाई कक्षा १० सम्म पठन लाग्ने खर्चको व्यवस्थापन गर्ने समेत उदघोष गरेकी छिन् ।
सो क्लबले सोही विद्यालयमा अध्ययनरत सम्पूर्ण बिद्यार्थीहरुलाई एक महिना अघि मात्रै शैक्षिक सामाग्री सहयोग गरेको थियो ।
0
