नयाँ अभियान
चौतारा, चैत १२ ।
शनिबार सम्पन्न मैत्रिपूर्ण फुटबल प्रतियोगिताको उपाधी लायन्स क्लब अफ काठमाडौँ सिन्धु चौतारा सिटीले जितेको छ । आज भएको फाईनल खेलमा टिचर्स ग्रुप इर्खुलाई ३ –1 ले हराउदै लायन्स क्लब अफ काठमाडौँ सिन्धु चौतारा सिटीले उपाधी जितेको हो ।
विभिन्न चार टिमबीच भएको मैत्रिपूर्ण फुटबल प्रतियोगितामा नेपाल पत्रकार महासंघ सिन्धुपाल्चोक शाखालाई ४-० को गोलान्तरले हराउदै टिचर्स ग्रुप इर्खु फाईनलमा पुगेको हो । यस्तै लायन्स क्लब चौतारा सिटीलाई १-० ले हराउदै लायन्स क्लब अफ काठमाडौँ सिन्धु चौतारा सिटी पनि फाईनलमा पुगेको थियो ।
प्रतियोगिताको पहिलो चरण सेमी फाइनलबाट विजय भएका दुई टोलीले फाइनल खेलमा पहिलो र दोस्रोका लागि प्रतिस्पर्धा गरेका हुन् ।
लायन्स क्लब अफ काठमाडौं सिन्धु चौतारा सिटी र लायन्स क्लब अफ काठमाडौँ चौतारा सिटीद्वारा आयोजना गरेको मैत्रीपूर्ण फूटबल प्रतियोगिता मेलचौरस्थित दरबार डाँडा खेलमैदानमा संचालन गरिएको हो ।
विजेता टिमलाई ट्रफी र प्रमाण पत्र प्रदान गरिएको छ ।
0
